Guðþjónusta í Seltjarnarneskirkjusunnudaginn 16. mars klukkan 2 . Athygli er vakin á messutíma. Séra Auður Eir Vilhjálmsdóttir predikar og ræðuefni: Uppgjör við okkur og Guð. Stefanía Steinsdóttir segir frá trú sinni. Laufey Sigurðardóttir leikur á fiðlu og Anna Sigríður Helgadóttir syngur. Aðalheiður Þorsteinsdóttir stjórnar söng með kór Kvennakirkjunnar. Kaffi á eftir. Þær sem sjá sér fært að færa kaffibrauð fá alúðarþakkir
Alla og Anna Sigga, Aðalheiður Þorsteinsdóttir tónlistarstjóri Kvennakirkjunnar og Anna Sigríður Helgadóttir söngkona, voru nú um helgina á Skagaströnd hjá séra Bryndísi Valbjarnardóttur. Þær gáfu kirkjukórnum raddþjálfun og kenndu nýja sálma. Gleðin streymdi milli allra sem töluðu og borðuðu og sungu saman og heilluðust hvert af öðru. Á sunnudaginn var sunnudagaskóli klukkan 11 í Hólaneskirkju og uppskeruhátíð tónlistardaga kl. 2 undir yfirskriftinni Drottinn gerðu hljótt í hjarta mínu. Við hinar Kvennakirkjukonurnar gleðjumst með þeim.
Guðfræðinemar í heimsókn
Nemendur dr. Péturs Péturssonar héldu undir stjórn hans málþing sitt í stofum okkar í Þingholtsstræti seint í janúar Dr. Pétur kom með kók í gleri og Prince Polo til að halda upp á hefðina frá því að afi hans, Ásgeir Ásgeirsson, rak hverfisbúð með matvörur í syðri
stofunni okkar.
Heimsókn Kvenfélags Þykkvabæjar
Konur úr kvenfélagi Þykkvabæjar, Sigurvon, komu í heimsókn í Kvennakirkjuna laugardaginn 1. mars, til að hitta Auði sem var sóknarprestur í Þykkvabæ í 20 ár. Hún hélt með þeim námskeiðið Vertu leiðtogi í þínu eigin lífi. Fyrst skoðuðu þær sýningu Vigdísar Finnbogadóttur
í Hönnunarsafni Íslands og á eftir heimsóttu þær Þuríði á 13 og gengu um Þingholtin og borðuðu í lokin á Austurlandahraðlesinni í Lækjargötu.
Kvennakirkjukonur messa
Auður Styrkársdóttir predikaði í Laugaraneskirkju á konudaginn, 23. febrúar í Laugarneskirkju. Aðalheiður Þorsteinsdóttir
var við orgelið.
Prestar Kvennakirkjunnar, Arndís og Auður, predikuðu og leiddu guðþjónustu að hætti Kvennakikjrunnar á vegum guðfræðinema í Kapellu háskólans í febrúar.
Hallfríður Ólafsdóttir tók þátt í margbreytilegum og fallegum tónleikum KÍTÓN, félags kvenna í tónlist, í Hörpunni, sunnudagskvöldið 2. mars. Hallfríður stjórnaði félögum úr Sinfóníuhljómsveit Íslands sem lék Eld eftir Jórunni Viðar. Eldborg var full af glöðu fólki sem fagnaði Hallfríði ákaflega og klappaði lengi. Hallfríður er fyrsta íslenska konan sem stjórnar sinfóníuhljómsveitinni !!! Hér má sjá umfjöllun um Hallfríði og tónleikana.
Elsku Hallfríður
Kvennakirkjan þakkar þér innilega fyrir tónleikana. Það var ógleymanlegt fyrir okkur sem sáum þig og við og allar hinar sendum þér hamingjusóskir.
Málþing Samráðsvettvangs trúfélaga ,,Trú, skoðunarfrelsi og mannréttindi“ verður fimmtudaginn 27. febrúar í safnaðarheimili Háteigskirkju. Málþingið er haldið í samvinnu við Trúarbragðafræðistofu Hugvísindasviðs Háskóla Íslands. Fundarstjóri er Margrét Steinardóttir, framkvæmdastjóri Mannréttindaskrifstofu Íslands. Öllum heimill ókeypis aðgangur meðan húsrúm leyfir.
Fyrirlesarar verða Ragnar Aðalsteinsson, hæstaréttarlögmaður, Jón Ólafsson, heimspekingur og prófessor við Háskólann á Bifröst og Arnfríður Guðmundsdóttir, guðfræðingur og prófessor við Guðfræði-og trúarbragðafræðideild Háskóla Íslands.
Undanfarin ár hefur verið rætt um árekstra milli trúarhefða og mannréttinda. Ágreiningsefnin varða m.a. kvenréttindi, málefni samkynhneigðra, vígsluathafnir fyrir börn, menntun og tjáningarfrelsi. Markmiðið með málþinginu er að draga fram helstu árekstrana og vega þá og meta út frá lögfræðilegum, heimspekilegum og trúarbragðafræðilegum sjónarhóli.
Spurt verður: Hvað nær trúfrelsi langt? Hvernig er unnt að viðhalda jafnvægi á milli trúariðkunar og mannréttinda? Getur samfélagið samþykkt starfsemi trúfélaga eða trúarbragða sem hafa að geyma kenningar eða stefnur sem talist geta á skjön við almenn mannréttindi? Hvaða úrræði eru fyrir hendi þegar árekstrar eiga sér stað? Hversu langt nær tjáningarfrelsið? Hvað getur flokkast undir hatursorðræðu? Hvernig ber að bregðast við haturshreyfingum?
Aðgangur er ókeypis og allt fólk velkomið – og nú er gott tækifæri fyrir konur Kvennakirkjunnar til að víkka sjóndeildarhringinn. Komum sem getum !
Afmælismessa Kvennakirkjunnar verður í Neskirkju sunnudaginn 16. febrúar kl. 14:00. Athugið breyttan messutíma. Hvers vegna er ég í Kvennakirkjunni? Þórunn Sveinbjarnardóttir. Berta Dröfn Ómarsdóttir syngur einsöng og kór Kvennakirkjunnar syngur undir stjórn Aðalheiðar Þorsteinsdóttur. Séra Arndís G. Bernhardsdóttir Linn predikar. Afmæliskaffi á eftir. Verum innilega velkomnar
Námskeið Kvennakirkjunnar í febrúar og mars kallast Kynvitund, kynverund og transfólk. Á þessu námskeiði fáum við tækifæri til að kynnast nýjum hugmyndum sem enn eru lítið kynntar hér. Þær fjalla um kynvitund og kynverund og fólk sem finnst það hafa fæðst í röngum líkama. Suður í Þýskalandi er nú mögulegt að bíða með að skrá kynferði barna þar til það kemur í ljós hvers kyns þau eru. Námskeiðið er í Þingholtsstræti 17, fjögur mánudagskvöld og stendur frá 19.30 til 21 – frá hálf átta til níu um kvöldið og kostar 4000 krónur
Mánudagskvöldin 17. og 24. febrúar
talar dr. Sólveig Anna Bóasdóttir kennari við guðfræðideild HÍ um kynvitund og kynverund og transfólk.
Mánudagskvöldin 3. mars
talar Svandís Anna Sigurðardóttir kynjafræðingur og jafnréttisfulltrúi HÍ. Svandís Anna ræðir um kynja- og kynhneigðarkerfið, endursköpun á ríkjandi hugmyndum og jaðarsetningu hinsegin fólks, í tengslum við MA ritgerð hennar í kynjafræði þar sem hún gagnrýndi hvernig kynjakerfið byggir upp einungis tvö kyn sem þá útiloka/jaðarsetja trans fólk.
Mánudagskvöldið 10. mars
Ugla Stefanía Jónsdóttir og Örn Danival Kristjánsson frá Trans Ísland segja frá starfsemi félagsins og reynslu sinni af að fara í kynleiðréttingu.
Verum allar innilega velkomnar til þessa góða tækifæristil að kynnast því sem bráðum verður veruleiki hér sem við þurfum að þekkja.
Næsta mánudagskvöld, 3. febrúar verður þriðja skiptið í námskeið Kvennakirkjunnar, Stefnumót við Guð – Kristin íhugun og hugleiðsla. Þetta kvöld verður farið í Biblíulega íhugun, Lectio Divina sem er ævaforn íhugunaraðferð innan kristinnar hefðar þar sem íhugað er eftir textum Biblíunnar. Stefnumótið hefst kl. 19:30 og er haldið í Þingholtsstræti 17. Lýsingu á námskeiðinu í heild sinni má sjá hér að neðan. […]
Næsta messa Kvennakirkjunnar er afmælismessa og verður hún haldin í Neskirkju Sunnudaginn 16. febrúar kl. 14:00. Tökum eftir breyttum messutíma !
Við höfum rætt vandlega um hugsanlega breytingu á messutíma, gá hvort sunnudagssíðdegin henti betur en kvöldin, nú meðan myrkrið er. Það fellur í góðan jarðveg í umræðum að prófa þennan tíma. Þess vegna verða þrjár næstu messur klukkan 14 á sunnudögum, hin fyrsta sunnudaginn 16. febrúar í Neskirkju við Hagatorg.
