Arndis

Kæra vinkonan okkar Guðrún Elíasdóttir er látin.  Við þökkum Guði fyrir hana og samveruna við hana.  Hún var með í öllu starfinu í Kvennakirkjunni, guðþjónustunum, mánudagssamverunum og ferðalögunum og ráðgjöfinni í hópunum fyrir konur í skilnaði.  Við sáum þar og í öllu öðru hvað hún hafði mikla hæfileika til samveru, skilnings og úrræða.  Við áttum allar í sameiningu sterka, glaðværa og blíða kristna trú okkar sem gaf okkur upprisuna á hverjum degi og reisir okkur upp þegar við deyjum.  Hún verður jarðsungin í Vídalínskirkju föstudaginn 9. ágúst klukkan 13. Það snertir okkur djúpt að hún vildi beina minningargjöfum til Kvennakirkjunnar.

Fyrsta guðþjónusta Kvennakirkjunnar verður í Hallgrímskirkju – Suðursal sunnudaginn 14. janúar kl. 20. Sigríður Hrund Pétursdóttir prédikar. Aðalheiður Þorsteinsdóttir sér um tónlist. Messu kaffi að lokinni messunni.

Jólamessa Kvennakirkjunnar verður í Háteigskirkju 28. desember kl. 20. Sr. Auður Eir predikar. Anna Sigríður Helgadóttir og Elín Þöll Þórðardóttir syngja einsöng og Aðalheiður Þorsteinsdóttir stjórnar tónlist og sálmasöng. Eins og alltaf er kaffi í safnðarheimili kirkjunnar að athöfninni lokinni. Verið öll hjartanlega velkomin!

Kvennakirkjan verður 30 ára og heldur Afmælisboð í Neskirkju sunnudaginn 12. febrúar klukkan 15.30 til 18.00. Yfirskrift boðsins er Guð vinkona, breytt guðfræði, ný tónlist, ný messuform. Dagskrá:

Samtal um framtak Kvennakirkjunnar í 30 ár

Hvaða áhrif hafði kvennaguðfræðin á preststarf mitt?

Séra Arndís G. Bernhardsdóttir Linn

Tónlist Kvennakirkjunnar og ný sálmabók Þjóðkirkjunnar

Aðalheiður Þorsteinsdóttir og Anna Sigríður Helgadóttir

Ný messuform og helgisiðabók Kvennakirkjunnar, Göngum í hús Guðs

Séra Elína Hrund Kristjánsdóttir

Við byrjum á afmæliskaffi, setjumst svo á rökstóla og endum með guðþjónustu

           Séra Auður Eir Vilhjálmsdóttir predikar,  Aðalheiður Þorsteinsdóttir spilar

og Anna Sigríður Helgadóttir syngur einsöng.

Öll hjartanlega velkomin!

Jólaguðþjónusta Kvennakirkjunnar verður í Háteigskirkju fimmtudaginn 29. desember klukkan 20. Svana Helen Björnsdóttir prédikar. Anna Sigríður Helgadóttir leiðir söng jólasálma og Örn Arnarson leikur með á gítar. Á eftir verður samvera með kaffi og veitingum.

Aðventuguðþjónusta Kvennakirkjunnar verður að þessu sinni sunnudagskvöldið 11. desember kl. 20:00 í stofum okkar í Þingholtsstræti 17.
Syngjum með Aðalheiði og Önnu Siggu í kvöldkyrrð og kertaljósum, segjum hver annarri frá trú okkar drekkum kaffi og súkkulaði
Við erum allar svo hjartanlega velkomnar

Guðþjónusta Kvennakirkjunnar verður að þessu sinni í Seltjarnarneskirkju
sunnudaginn 13. nóvember klukkan 20

Hlustum á orð Guð, biðjum og syngjum Auður Eir predikar og Aðalheiður stjórnar tónlistinni. Syngjum nýja sálma og gamla
Fögnum nýrri sálmabók Þjóðkirkjunnar og Drekkum kaffi og tölum saman
Hlökkum til 

Messa Kvennakirkjunnar í október verður í Grensáskirkju sunnudaginn 16. október kl.20:00. Anna Sigríður Helgadóttir talar. Arndís G. Bernhardsdóttir Linn syngur frumsamið lag og ljóð. Drekkum kaffi og spjöllum verulega. Innilega velkomin

Guðþjónusta Kvennakirkjunnar í Hallgrímskirkju verður sunnudagskvöldið 11. september klukkan 20. Haustmessa í kvöldkyrrð Hallgrímskirkju 
í trú okkar og vináttu.   Allar hjartanlega velkomnar og við hinar fögnum þér.
Höldum messuna saman eins og alltaf með predikun, bæn, söng,  kaffi og samtali.
Göngum inn bakdyramegin til hægri séð framan frá.  

Guðþjónusta Kvennakirkjunnar 19. jún klukkan 8 verður í Bríetartogi í Þingholtsstræti 9.
Aðalheiður og Anna Sigga sjá um sálmana og Auður Eir prédikar.
Á eftir drekkum við kaffi í stofum okkar í Þingholtsstræti 17.
Kirkjan kemur með kleinur og kökubita og við hellum upp á könnun
OG TÖLUM SAMAN