Næsta guðþjónusta Kvennakirkjunnar verður Bænadjass í Laugarneskirkju 15. október kl. 20:00. Aðalheiður, Anna Sigga og við allar flytjum saman bænamessu með djassívafi. Drekkum kaffi á eftir í safnaðarheimilinu og þær sem sjá sér fært að færa okkur góðgæti fá alúðarþakkir. Verið öll hjartanlega velkomin !
Mánudagsnámskeið Kvennakirkjunnar halda áfram í Þingholtsstrætinu kl. 16:30. Næstkomandi mánudag, 2. október kemur Dr. Arnfríður Guðmundsdóttir til okkar og ræðir við okkur um Syndina. Þú ert velkomin!
GUÐ ELDAR MAT
Það er oft sagt frá því í Biblíunni að Guð eldaði handa fólki sínu.Hún eldaði kjúklinga og bakaði vöfflur handa þeim sem voru á langri göngunni frá Egyptalandi til Ísrael. 16. kafli í Annarri Mósebók
Hún bakaði brauð handa Elía þegar hann var skjálfandi af ótta inni í hellinum á fjallinu. 19. kafli í Fyrri Konungabók
Jesús bakaði brauð og steikti fisk hans vinkonum sínum og vinum og gaf þeim morgunkaffi við Galíleuvatnið eftir að hann var upprisinn. 21. afli í Jóhannesarguðspjalli
Næsta mánudag, 25. september kl. 16:30 heldur námskeið Kvennakirkjunnar áfram. Þá mun sr. Agnes Sigurðardóttir koma og ræða við okkur um grundvöll trúar okkar og kvennaguðfræði. Námskeiðin eru haldin í húsakynnum Kvennakirkjunnar í Þingholtsstræti 17 og þangað eru þau öll sem áhuga hafa velkomin !
Fyrsta námskeið Kvennakirkjunnar í vetur verður mánudaginn 18. september kl. 16:30 til 19:00. Til jóla ætlum við að tala um grundvallaratriði guðfræðinnar. Komdu endilega með þínar eigin spurningar og við svörum þeim saman.
Það er nauðsynlegt fyrir okkur að þekkja okkar eigin kristnu guðfræði og ræða hana og skilja eins og við mögulega getum.
Margar af kvenprestum þjóðkirkjunnar eru í Kvennakirkjunni og þær koma til okkar eftir því sem þær geta.
Verum allar innilega velkomnar, njótum samverunnar og förum heim með gleðina sem við gefum hver annarri.
Nú förum við aftur að sjást og heyrast jafnt og þétt og mikið er það gaman. Ég er nú nokkrum dögum fyrir fyrstu messuna okkar í fjöllunum í Sviss. Mér finnst við hátt uppi en Yrsa sem er prestur hérna segir að þetta séu bara kallaðar hæðir því fjöllin séu svo miklu miklu hærri. Hér liggja bækur á borðum, samlede værker Dorothee Solle sem við höfum lesið svo mikið eftir og líka ensk bók með frásögum um Guð sem tekur sér ýmislegt fyrir hendur eins og við gerum sjálfar. Eitt kvöldið sýður hún sér skál af núðlum enveit ekki alveg hvað þær þurfa að sjóða heppnast. Hún vildi borða með einhverjum og hefuraldrei haft gaman af að borða ein. En það er ekkert þak á húsinu svo hún horfir upp til stjarnanna og það er verulega flott.
Það er eins og við segjum líka sjálfar: Við drekkum morgunkaffi með Guði. Og borðum endilega með henni. Henni finnst miklu skemmtlegra þegar hún hefur okkur hinu megin við borðið. Og bráðum verða stjörnur á himninum í kvöldmatnum og haustið faðmar okkur að sér.
Blíðar kveðjur, Auður
Fyrsta guðþjónusta vetrarstarfs Kvennakirkjunnar verður að þessu sinni í Lágafellskirkju í Mosfellsbæ 10. september kl. 20:00. Séra Auður og Séra Arndís sjá um messuna og sú síðarnefnda prédikar. Söngkonan Þórunn Guðmundsdóttir syngur einsöng. Aðalheiður Þorsteinsdóttir leiðir tónlistina og kvennakirkjunkonur syngja. Svo verður kaffisamsæti í skrúðhúsi kirkjunnar að messunni lokinni. Þær sem sjá sér fært að koma með meðlæti fá alúðarþakkir. Þetta verður yndisleg messa og alveg sérstaklega ef þú kemur.
Kvöldguðþjónusta verður við Kjarvalsstaði 19. júní kl. 20. Kvennakirkjan heldur guðþjónustuna í samvinnu við Kvenréttindafélag Íslands og Kvenfélagasamband Íslands. Séra Auður Eir Vilhjálmsdóttir predikar. Aðalheiður Þorsteinsdóttir og kór Kvennakirkjunnar annast guðþjónustuna með séra Arndísi G., Bernhardsdóttur Linn og Elísabetu Þorgeirsdóttur. Ragnhildur Ásgeirsdóttir og Anna Sigríður Helgadóttir syngja. Ásdís Þórðardóttir leikur á trompet.
Alexandra Chernyskova óperuaöngkona frumflytur sálm Hallveigar Thorlacius og Láru Bryndísar Eggertsdóttur. Fjölbreytt guðþjónusta í bjartri kvöldkyrrðinni.
Maímessa Kvennakirkjunnar verður í Garðakirkju 14, maí klukkan 20.Edda Björgvinsdóttir predikar, Rannveig Guðmundsdóttir og Þórunn Sveinbjarnardóttir tala og Guðrún Ásmundsdóttir les ljóð. Kristín Stefánsdóttir syngur einsöng. Aðalheiður Þorsteinsdóttir og séra Auður Eir Vilhjálmsdóttir sjá um messuna með kór Kvennakirkjunnar. Þetta verður yndisleg messa og alveg sérstaklega ef þú kemur.
Hugsýki beygir fólk en vingjarnlegt orð gleður það. Þetta stendur í Orðskviðunum 12.25. Ég held það sé svo prýðilegt fyrir okkur að hugsa um það á þessum gleðidögum sem kirkjan kallar dagana eftir páska. Auðvitað á það við alla daga ársins og það er einmitt vegna hugsýki sumra daga sem getur mætt hverri manneskju sem það er undursamlegt að heyra um gleðina.
Gleðjumst og gleðjumst vegna þess að páskarnir færa okkur gleði á hverjum einasta degi, líka þeim sem eru allt annað en gleðilegir heldur dagar sorgar eða annars sem beygir okkur. Á þeim dögum reisir það okkur við að heyra vingjarnleg orð sem Guð segir sjálf við okkur og gefur öðrum til að gefa okkur
Páskarnir færa okkur örugga vissu um ást Guðs og styrk hennar og hjálp og nærveru allra daga. Hún sem skapaði allt og heldur alltaf áfram að skapa kom og varð manneskja eins og við. Hún var Jesús. Hann sem lifði daga sína við sömu kjör og við, í gleði og mótlæti eins og við, og gekk alla leið inn í dauðann eins og við gerum.
Nema hann gekk lengra. Hann gekk þangað sem við hefðum ekki komist ef hann hefði ekki farið þangað. Hann sigraði dauðann. Hann reis upp til nýs lífs. Og hann gefur okkur það nýja líf sem hann vann til að færa okkur öllum.
Syngjum um það á hverjum einasta degi. Syngjum sálm á dag. Jesús er upprisinn. Hann lifir. Hann er hjá okkur. Svo að gleðin er alltaf nærri, líka þegar við erum beygðar. Og við megum treysta því að við rísum alltaf alltaf upp til nýrrar gleði.
Blíðar kveðjur og gleðilega daga. Auður
