Gleðilega sumardaga
Við sendum hver annarri allar saman einlægar óskir um gleðilega og góða sumardaga í birtu daga og nátta. Njótum nú lífsins eins og við mögulega getum og þökkum Guði vinkonu okkar fyrir hverja stund gleðinnar og felum henni eins og alltaf þær stundanna þegar skyggir í lofti í huga okkar og umhverfi. Það birtir alltaf aftur.
Treystum Guði.
Guðþjónusta verður í Garðakirkju á Álftanesi sunnudagskvöldið 13. maí kl. 20. Séra Hulda Hrönn M. Helgadóttir predikar. Aðalheiður Þorsteinsdóttir og Anna Sigríður Helgadóttir sjá um stundarkorn í hvíld og hvatningu
með sálmum, sögum og bænum. Séra Auður Eir Vilhjálmsdóttir leiðir þakkir fyrir fyrirgefningu
Kaffi í Króki. Þær sem sjá sér fært að færa góðgerðir fá alúðarþakkkir
Fermingar í Kvennakirkjunni
Þrjár stúlkur fermast á vegum Kvennakirkjunnar í vor. Þær hafa verið á okkar vegum í vetur og fengið fræðslu og eru allar tilbúnar til fermingarinnar. Þær heita Þóra Björg Stefánsdóttir, Unda Brauna og Sigrún Björgvinsdóttir. Það hefur verið mikil gleði að vera með þeim í vetur og við biðjum Guð að geyma þærog vitum að það verður henni enn meiri gleði en okkur.
Vegurinn heiman er vegurinn heim
Við ætlum í messunni næst að tala um Emmausfarana, þau sem fóru síðdegis á páskadag niðurbrotin heim til sín frá Jerúsalem og gátu ekki ennþá gert sér það ljóst að Jesús var upprisinn. Þá kom ókunnur maður og lét sem hann vissi ekki hvað þau töluðu um. Þau sögðu honum að allar vonir þeirra um Jesúm væru brostnar því hann var dáinn. Þau buðu honum að borða og gista því það var orðið framorðið. Og þegar hann braut brauðið við kvöldverðarborðið og rétti þeim sáu þau að það var hann. Og þótt það væri framorðið hlupu þau til baka til Jerúsalem til að segja hinum.
Við ætlum svo að tala um kirkjuna okkar þar sem svo margt fólk segist ekki kæra sig um að vera lengur og kirkjan geti bara sjálf kennt sér um að þau fari. Þau verða bara að fara, held ég. En þau ættu ekki að gera það. Þau ættu að hugsa málið og sjá að kristin trú er undirstaða þeirra góðu gilda sem eru í heiðri. Hún er grundvöllur þeirra sem vilja.
En við sem látum okkur ekki detta í hug að það væri kirkjunni að kenna ef við færum, það væri bara sjálfum okkar að kenna, hugsum saman: Við sláum vörð um kirkjuna eins og hún hefur slegið vörð um okkur. Hún sagði okkur frá Jesú.
Kvennakirkjan er sjálfstæður hópur innan þjóðkirkjunnar og stendur þar með hópunum mörgu, öllum söfnuðunum og öllum hinum sjálfstæðu hópunum innan og utan þjóðkirkjunnar. Þar er alls staðar annast um allt það fólk sem er þar og gildin sem við eigum öll saman.
Blíðar kveðjur. Auður
Guðþjónusta Kvennakirkjunnar verður sunnudaginn 15. apríl klukkan 20
Ferðin frá gröf Jesú og kirkju hans og aftur heim
Sitjum saman við borð í safnaðarheimilinu lesum og syngjum og biðjum saman og spjöllum yfir kaffinu og kökusneiðunum
Anna Sigríður Helgadóttir syngur og Aðalheiður Þorsteinsdóttir stjórnar öllum söng
Aldeilis velkomnar eins og alltaf – alltaf prýði að ykkur
Námskeið Kvennakirkjunnar halda áfram og Mánudaginn 9. apríl talar Klara Bragadóttir sáfræðingur um þau miklu áhrif sem góðar tengingar við gott fólk hafa á heilsu okkar Mánudaginn 16. apríl talar Elín Sigrún Jónsdóttir lögfræðingur um Ég líka byltinguna hérlendis. Námskeiðin eru í Þingholtsstræti 17 frá klukkan hálf fimm til sex síðdegis. Hlustumm, lærum, spyrjum og spjöllum og fáum kaffi og súkkulaði
Séra Hulda Hrönn M. Helgadóttir fæddist í Reykjavík 6. júni 1961. Hún tók stúdentspróf frá Menntaskólanum við Sund 1981 og guðfræðipróf frá Háskóla Íslands 1987. Hún vígðist til Hríseyjarprestakalls sama ár, 5. júllí 1987. Hún starfaðii þar til ársins 2014 þegar hún varð héraðsprestur í Kjalarnesprófastsdæmi en er nú orðin prestur Kvennakirkjunnar með verkefni hér og víðar í þjóðkirkjunni.
Árið 1995 – 6 nam Hulda kennimannlega guðfræði með sérnám í sjúkrahúsprestþjónustu í Edinborg í Skotlandi og var í starfsnámi í söfnuði skosk anglikönsku kirkjunnar og við sjúkrahús þar.
Hún heffur gegnt fjölmörgum störfum á kristilegu sviði. Hún var formaður Félags guðfræðinema og ritstjóri Orðsins, blaðs guðfræðinema. Hún var í stjórn ýmissa félaga og meðal annarra starfa var hún í undirbúninsnefnd Kristnitökuafmælisins árið 2000. Hún var með öðrum kvennaguðfræðingum hér í Samstarfshópi um kvennaguðfræði og vann þar að starfi Kvennaáratugs kirkna. Hún hefur sótt mót kvennaguðfræðinga úti um heim og hitt margar af þeim kvennaguðfræðingum sem við lásum bækur eftir í Kvennakirkjunni. Hulda var í 16 ár í Héraðsnefnd Eyjafjarðarprófastsdæmis og hefur þjónaði sem settur prófastur.
Biskup Íslands séra Agnes M. Sigurðardóttir hefur falið séra Huldu að starfa sem einn af þremur prestum Kvennakirkjunnar. Hún mun taka þátt í öllu starfi okkar og taka að sér störf fyrir okkur og alla þjóðkirkjuna sem lúta að starfi gegn ofbeldi í garð kvenna.
Við allar bjóðum séra Huldu innilega velkomna sem prest Kvennakirkjunnar. Það er gott að fá hana í hópinn.
Séra Hulda fékk við vígslu sína vígslubréf og erindisbréf frá biskupi og starfar samkvæmt því og samkvæmt því samkomulagi sem biskup hefur gert við hana og okkur um starfið í Kvennakirkjunni.
Kirkjan biður okkur nú við upphaf starfs hennar með okkur að minnast orða postulans:
Við biðjum ykkur systur og bræður að sýna þeim […]
Áðurauglýst messa Sunnudaginn 18. mars klukkan 20 sem átti að vera í Langholtskirkju verður í Hallgrímskirkju. Öll dagskrán verður eins, við sitjum til borðs við veitingar og samtal, biðjum saman og heyrum orð Guðs í predikun og sálmum og eigum samfélag um kvöldmátíð Jesú. Séra Hulda Hrönn M. Helgadóttir predikar og verður boðin velkomin til starfa. Aðalheiður Þorsteinsdóttir spilar undir sálma og Ragnhildur Ásgeirsdóttir syngur fyrir okkur. Komum með veitingar sem eigum gott með það og njótum saman og gleðjumst. Innilega velkomnar. Okkur verður öllum fagnað af öllu hjarta. Göngum inn barkdyramegin að sunnan – hægra megin þegar er staðið fyrir framan kirkjuna
Námskeiðin okkar á mánudögum halda áfram frá klukkan 4.30 til 6 síðdegis í Þingholtsstræti 17. Við biðjum, syngjum og tölum yfir kaffi og kökusneið um það sem skiptir okkur svo miklu máli að það endurlífgar dagana. Vertu innilegq velkomin. Mikið væri gaman að þú kæmir.
Í mars ætlum við að tala um lífsgleðina.
12 mars: Séra Hulda Hrönn M. Helgadóttir segir frá Samkirkjunefnd kirkjunnar og ber fram spurningar, svo sem hvað sé til sölu af mikilvægustu þáttum lífs okkar.
19. mars: Lilja Hjartardóttir stjórnmálafræðingur segir frá Metoo bylgjunni hérlendis.
26, mars: Klara Bragadóttir sálfræðingar talar um tengslin sem gera líf okkar svo miklu betra.
Eins og undanfarna vetur hittast konur Kvennakirkjunnar í Þingholtsstræti á mánudögum milli 4:30 og 6:00. Framundan er spennandi röð af fræðslu þar sem við fáum til okkar ýmsar konur með fyrirlestra og fróðleiksmóla. Mánudaginn 5. mars byrjum við þó innanhús og sr. Arndís annar prestur Kvennakirkjunnar fjallar og leiðir samtal um synd undir yfirskriftinni; ,,Gömul synd og ný!“
